23 - 63 -
Compra d´entraes
Conseyos hixénico-sanitarios Covid-19
Condiciones xenerales
- La compra d´entraes de grupos de más de 20 persones tien que se facer al traviés del teléfonu d´información y reserves 902 306 600 / 985 185 860 o nel corréu electrónicu reservas@turismoycultura.asturias.es.
- Les entraes pa participar en dalguna de les actividaes qu’entama puen sacase al traviés del teléfonu 985 122 553 tolos díes, de 17:00 a 19:00 hores..
- Primero de sacar la entrada consulte les tarifes y los horarios. Ye obligación del veceru llegar en tiempu de sobra pa poder realizar la visita de forma afayadiza.
- La entrada va ser válida namás pal día indicáu na entrada.
- Nun s´almiten devoluciones nin cambéu d´entraes por cancelación del veceru o por nun llegar cola antelación necesaria. Tampoco nun s´almiten cambeos de fecha nin cambeos na tipoloxía d´entrada.
- Ye obligación del visitante tenela a lo llargo de tola visita.
- Les entraes adquiríes con descuentu o tarifa especial van tener que xustificar esti derechu con un documentu acreitativu nel accesu al recintu. En casu de nun presentar la xustificación correspondiente, nun va tener validez.
- Nun se va volver la entrada en casu de perda, deterioru, robu o destrucción.
- La organización nun garantiza l´autenticidá de la entrada si nun s´adquirió nos puntos oficiales de venta.
- Al llegar al recintu, el públicu va poder sometese a un rexistru según la llei. Nun ta permitío entrar con oxetos que puedan considerase peligrosos pa la organización, amás del accesu con maletes o otros oxetos de gran tamañu. Acútase´l derechu d´almisión.
- Los neños tienen de dir acompañaos en tou momentu d´un adultu al so cargu (nun siendo cuando se tean desenvolviendo actividaes infantiles).
- La organización acuta pa ella´l derechu d´alteriar o modificar la programación d´eventos en cada recintu. En casu d´anulación, la organización comprométese a la devolución del importe de la entrada.
Información importante pa la visita al Centru Prerrománicu:
- L’accesu al Centru de Recepción y Interpretación del Prerrománicu Asturianu ye de baldre.
- Aconséyase como complementu a la visita de los dos Monumentos vecinos porque la información abarca tol Prerromanicu Asturianu.
- La visita al Centru pue facese por llibre o guiada d’unos 40 minutos de duración, previa reserva.
- Pa visitar entrambos monumentos del Naranco la entrada adquiérse en Santa María de Naranco (puerta debaxo del balcón de la fachada oeste).
- L’accesu tanto al Centru d’Interpretación como a los monumentos ye peatonal, pudiendo averase a una persona con movilidá reducida al pie d’estos llugares con vehículu.
- Ta prohibío aparcar al pie de los monumentos. Al llau del Centru d’Interpretación hai unes 3-4 places posibles.
- Hai dos accesos posibles al Centru Prerrománicu: ún pel camín que sal del aparcamientu. L’otru (a pie o en coche), per una carretera unidireccional que sal de la carretera xeneral al traviés d’un pasu de peatones que la crucia unos metros más arriba del aparcamientu. Aconseýase cruciar con precaución.
- Aconséyase l’usu de calzáu amañoso, porque ye un terrén irregular y húmedo; los díes d’agua tiende a enllamorgase y pue esbariase.
- Nun ta permitío l’accesu con mascotes nos espacios interiores y nos espacios al aire llibre del recintu tienen que dir ataos con correa.
- Nun ta permitío fumar nin introducir bébora o alimentos nos espacios interiores.
- Pa la realización de talleres ye imprescindible dirixise al área de recepción 15 minutos enantes.
- Los talleres que se realicen nel esterior tán supeditaos a la climatoloxía.
- Pa visitar de forma cómoda tanto’l Centru como los monumentos, aconséyense dos hores aproximao.
Información importante pa la visita a los monumentos del Naranco:
- Les entraas viéndense namás en Santa María de Naranco.
- Nun ta permitío sacar semeyes nin filmaciones dientro de San Miguel de Lliño.
- Les visites son namás guiaes y en castellanu.
- Los cobros fáense n’efectivo.
- La mesma persona aveza a vender les entraes y facer les visites guiaes; cuando ta en visita, na puerta de la taquilla dexa la hora de la siguiente.
- Les visites fáense ensin horariu concretu de partida y según afluencia.
